पालघर: …हे म्हणजे ‘त्या’ नर्सिंग होमला पाठीशी घालण्याचा खटाटोप नव्हे का?

डहाणू प्रतिनिधी – विनायक पवार:

डहाणू तालुक्यात बापट्स नर्सिंग होम फॉर चिल्ड्रन या खाजगी रुग्णालयाने अवाजवी बिल आकारले असल्याबाबतची बातमी मुंबई ई न्यूजने प्रसिद्ध केली. या बातमीनंतर डहाणूसह जिल्ह्यातील नेटिझन्सनी समाजमाध्यमांवर संबंधित हॉस्पिटलकडून मिळालेल्या कटू अनुभवांचे दाखले देत अक्षरशः टीकेची झोड उठवली. बापट्स नर्सिंग होम फॉर चिल्ड्रन या हॉस्पिटलने राजू विंदन यांच्याकडून तब्बल एक लाख ६६ हजार रुपये पत्नीचे डिलिव्हरीचे बिल म्हणून आकारले. यामुळे प्रशासनाने या घटनेची चौकशी करण्याची मागणी सर्वस्तरांतून होत आहे. यावर सहाय्यक जिल्हाधिकारी यांनी मात्र मा. प्रांत अधिकारी डहाणू यांच्याकडे लेखी तक्रार आल्यासच चौकशी करू अशी प्रतिक्रिया दिली. कोरोना महामारी असताना देखील लेखी तक्रारीचा अट्टाहास नेमका कशासाठी धरला जात आहे असा प्रश्न जिल्ह्यातील जनतेस पडला आहे.

दरम्यान दुसऱ्यांदा टाळेबंदी झाल्यानंतर लोकांना घरी राहण्याचे आवाहन याचं प्रशासनाकडून केले गेले आहे. कालच राज्याचे मुख्यमंत्री उद्धव ठाकरे यांनी कोरोनाचा प्रभाव जास्त असणाऱ्या जिल्ह्यामंध्ये लॉक डाऊन बाबतचे नियम जैसे थे राहतील हे जाहीर केले. याव्यतिरिक्त तालुक्यात सध्या कोरोना संसर्ग रोखण्यासाठी निर्गमित निर्बंध मोडल्याचे कुठे लग्न कार्य, तसेच मास्क न घालून फिरणाऱ्यांवर कारवाईचे धाडसत्र सुरु आहे. जिल्ह्यात काही ठिकाणी छोट्या मोठ्या व्यावसायिकांवर केवळ फोन वरील तक्रारी वरून देखील कारवाई करण्यात आली आहे. हे चित्र एकीकडे असतानाच दुसरीकडे मात्र गोर गरीब जनतेला लुटण्याचे काम करणाऱ्या खाजगी रुग्णालयाचा पर्दाफाश होऊन देखील तक्रारीची अपेक्षा का? कि यातून कुणास पाठीशी घालण्याचा प्रयत्न होत आहे का? अशा शंका यामुळे उपस्थित होत आहेत.

सर्वसामान्य माणूस मोठ्या खाजगी रुग्णालयाच्या डॉक्टरच्या विरोधात जाऊ शकत नाही. म्हणून प्रसार माध्यमातून आम्हाला न्याय मिळावा अशी अपेक्षा ठेवणाऱ्या जनतेची चूक? कि सामान्यांवर होणाऱ्या अन्यायाला वाचा फोडण्याचे काम करणारी प्रसारमाध्यम? यांपैकी नेमकी जास्तीची अपेक्षा कुणी केली. हॉस्पिटल प्रशासनाने खरोखरच योग्य बिल आकारले आहे का याची चौकशी करण्याचे आदेश देण्यासाठी देखील प्रशासनास लेखी तक्रारीची कधीपासून गरज पडू लागली आहे? अजूनही वेळ न दवडता प्रशासनाने योग्य ती चौकशी करून याप्रकरणातील सत्य सर्वांसमोर आणावे अशी माफक अपेक्षा डहाणूतील जनतेला आहे. त्यामुळे येणाऱ्या काही दिवसांत हे प्रकरण रंगत आणणार हेच यांतून दिसते आहे.

Mumbai e News

Email - mumbaienews@gmail.com Contact - 9890086328

Share
Published by

Recent Posts

पालघर: पेसा निधीत भ्रष्टाचार करणाऱ्या ‘त्या’ ग्रामविकास अधिकाऱ्यावर कारवाईसाठी मुहूर्त सापडेना?

डहाणू प्रतिनिधी - विनायक पवार: डहाणू तालुक्यातील ग्रुप ग्रामपंचायत वेती/वरोती ग्रामविकास अधिकारी प्रमोद भोईर यांनी पेसाच्या निधीत भ्रष्टाचार केल्याची तक्रार… Read More

6 months ago

पालघर: मुदतबाह्य सॅनिटायजर वाटप प्रकरणी ‘त्या’ ग्रामसेवकास कारवाईचा झटका

जव्हार प्रतिनिधी - जितेंद्र पाटील: जव्हार तालुक्यातील ग्रामपंचायत न्याहाळे खु. येथे मुदतबाह्य सॅनिटायजर वाटपाबाबत प्रसिद्धीमाध्यमांमध्ये प्रसारित झालेल्या बातमीच्या अनुषंगाने गट… Read More

6 months ago

पालघर : गंजाड मणिपूर येथील खदानीच्या तलावात बुडून शालेय विद्यार्थ्याचा मृत्यू

डहाणू प्रतिनिधी : जितेंद्र पाटील - डहाणू तालुक्यात एका विद्यार्थ्यांचा गंजाड मणिपूर येथील खदानी मध्ये पोहायला गेला असता बुडून मृत्यू झाल्याची… Read More

6 months ago

पालघर: दि ठाणे जिल्हा मध्यवर्ती बँकेच्या ‘त्या’ तीन अपत्य असणाऱ्या संचालकाचे पद धोक्यात?

तलासरी प्रतिनिधी - जितेंद्र पाटील: दि ठाणे जिल्हा मध्यवर्ती बँकेच्या संचालक मंडळाच्या मार्च महिन्यात पार पडलेल्या निवडणुकीत कृषी पतपुरवठा मतदार… Read More

6 months ago

पालघर: धक्कादायक! पाण्याच्या कालव्यामध्ये औष्णिक विद्युत केंद्रातील केमिकलमिश्रित राख? नागरिकांच्या जीवाशी खेळ..

पालघर प्रतिनिधी - जितेंद्र पाटील: मुंबई अहमदाबाद महामार्गाच्या बाजूने असलेल्या कासा-भराड सूर्या कालव्यामध्ये कल्लू ढाबा येथून वाहणाऱ्या कालव्यामध्ये औष्णिक विद्युत… Read More

6 months ago

पालघर : चोराच्या उलट्या बोंबा! ‘त्या’ सलून मालकाकडून चक्क पत्रकारांनाच धमक्या

पालघर प्रतिनिधी - विनायक पवार : जिल्हा आपत्ती व्यवस्थापनाच्या आदेशाचे उल्लंघन करून बोईसर शहरात बेकायदेशीरपणे सुरू असलेल्या अल्युर स्पा अँड सलून… Read More

6 months ago