पालघर: रिलायन्स गॅस पाईपलाईन प्रकल्पपिडीत शेतकऱ्यांचा लॉंग मार्च रोखला; प्रमुख चार मागण्या मान्य..!

पालघर प्रतिनिधी:

रिलायन्स गॅस पाईपलाईन प्रकल्पपिडीत शेतकऱ्यांचा पालघर ते मंत्रालय असा मूक मोर्चा १८ नोव्हेंबर रोजी योजला होता. जिल्ह्यातील हजारो शेतकरी या मूक मोर्चासाठी एक दिवस अगोदरपासूनच जमा झाले होते. मुंबईच्या दिशेने निघालेल्या या शेतकऱ्यांना अडवण्यासाठी पोलिसांनी मध्यरात्री पासूनच सुरुवात केली. निषधाचे काळे झेंडे घेऊन आपल्या हक्कासाठी मूक मोर्चासाठी निघाले होते. पोलीस बळाचा वापर करून मोर्चा निघूच नये यासाठी प्रयत्नशील असणाऱ्या पोलीस प्रशासनाच्या दडपशाहीला झुगारून रिलायन्स पिडीत शेतकरी आपल्या न्याय मागण्यासाठी गनिमी काव्याचा वापर करून तवा येथुन निघाले. मार्गस्थ शेतकऱ्यांना दोन किलोमीटर अंतरावरील चिंचपाडा येथे पुन्हा अडवण्यात आले. यावेळी सामाजिक कार्यकर्ते विजय वझे यांच्यासह इतर आंदोलकांना पोलिसांनी ताब्यात घेतले.

पोलिसांनी चिंचपाडा येथे अडवल्यानंतर मोर्चाच्या भूमिकेबाबत आक्रमक शेतकरी आमरण धरणे आंदोलनासाठी बसले. अशावेळी कायदा सुव्यवस्थेचा प्रश्न निर्माण होऊ नये यासाठी शेतकऱ्यांचे एक शिष्टमंडळ पालघर येथील जिल्हाधिकारी कार्यालय व ऍडिशनल अधिक्षक गायकवाड यांच्याकडे चर्चेसाठी गेले. शिष्टमंडळा बरोबरच्या चर्चेत एकूण महत्वाच्या चार मागण्या मान्य करण्यात आल्याची माहिती शिष्टमंडळातील सदस्यांनी दिली. मात्र “या चार मागण्यांव्यतिरिक्त इतर काही महत्वाच्या मागण्या आहेत त्या जिल्हाधिकारी मान्य करीत नाहीत व यामध्ये रिलायन्स कंपनीचा वरदहस्त आहे” असा आरोप यावेळी शिष्टमंडळातील शेतकऱ्यांनी केला. जिल्हाधिकारी कार्यालय पालघर व पोलीस अधीक्षक कार्यालय पालघर यांनी पुढील पंधरा दिवसात उर्वरित मागण्या मान्य न केल्यास पुन्हा आमरण उपोषण व साखळी उपोषणाचे हत्यार उपसले जाईल अशी माहिती यावेळी शिष्टमंडळातील शेतकऱ्यांनी दिली. तसेच यासंदर्भातील लेखी निवेदन मुख्यमंत्री कार्यालयासह इतर संबंधित विभागाच्या कार्यालयांना देण्यात येणार आहे.

मुंबई ई न्यूजचे विभागीय संपादक चांदेकर मध्यरात्रीपासूनच स्थानबद्ध

रिलायन्स गॅस पाईपलाईन प्रकल्पपिडीत शेतकऱ्यांच्या अन्यायाला सर्वप्रथम वाचा फोडण्याचे काम मुंबई ई न्यूजच्या माध्यमातून पालघर विभागीय संपादक चांदेकर यांनी केले. सुरुवातीपासूनच चांदेकर याप्रकरणाची निष्पक्ष चौकशी होऊन आरोपींवर गुन्हे दाखल व्हावेत यासाठी सातत्याने पाठपुरावा करत होते. यशस्वी आमरण उपोषणानंतर लाँग मार्चचे नियोजन करण्यामध्ये देखील त्यांचा महत्वाचा सहभाग आहे. अशावेळी कायदा सुव्यवस्थेचा प्रश्न निर्माण होऊ नये तसेच आंदोलनावर अंकुश ठेवण्यासाठी मध्यरात्रीपासूनच चांदेकर यांना त्यांच्या राहत्या घरी स्थानबद्ध करण्यात आले.

Mumbai e News

Email - mumbaienews@gmail.com Contact - 9890086328

Share
Published by

Recent Posts

जाणून घ्या कोरफडीचे आरोग्यवर्धक फायदे; रस व तेल करते चमत्कार..!

मुंबई ई न्यूज वेब टीम: वाचकहो आम्ही आपल्यासाठी बातम्यांसोबतच इतर महत्वपूर्ण दर्जेदार माहिती घेऊन येत असतो. 'आजीबाईचा बटवा' (aajibaicha batava)… Read More

3 weeks ago

पालघर: पेसा निधीत भ्रष्टाचार करणाऱ्या ‘त्या’ ग्रामविकास अधिकाऱ्यावर कारवाईसाठी मुहूर्त सापडेना?

डहाणू प्रतिनिधी - विनायक पवार: डहाणू तालुक्यातील ग्रुप ग्रामपंचायत वेती/वरोती ग्रामविकास अधिकारी प्रमोद भोईर यांनी पेसाच्या निधीत भ्रष्टाचार केल्याची तक्रार… Read More

7 months ago

पालघर: मुदतबाह्य सॅनिटायजर वाटप प्रकरणी ‘त्या’ ग्रामसेवकास कारवाईचा झटका

जव्हार प्रतिनिधी - जितेंद्र पाटील: जव्हार तालुक्यातील ग्रामपंचायत न्याहाळे खु. येथे मुदतबाह्य सॅनिटायजर वाटपाबाबत प्रसिद्धीमाध्यमांमध्ये प्रसारित झालेल्या बातमीच्या अनुषंगाने गट… Read More

8 months ago

पालघर : गंजाड मणिपूर येथील खदानीच्या तलावात बुडून शालेय विद्यार्थ्याचा मृत्यू

डहाणू प्रतिनिधी : जितेंद्र पाटील - डहाणू तालुक्यात एका विद्यार्थ्यांचा गंजाड मणिपूर येथील खदानी मध्ये पोहायला गेला असता बुडून मृत्यू झाल्याची… Read More

8 months ago

पालघर: दि ठाणे जिल्हा मध्यवर्ती बँकेच्या ‘त्या’ तीन अपत्य असणाऱ्या संचालकाचे पद धोक्यात?

तलासरी प्रतिनिधी - जितेंद्र पाटील: दि ठाणे जिल्हा मध्यवर्ती बँकेच्या संचालक मंडळाच्या मार्च महिन्यात पार पडलेल्या निवडणुकीत कृषी पतपुरवठा मतदार… Read More

8 months ago

पालघर: धक्कादायक! पाण्याच्या कालव्यामध्ये औष्णिक विद्युत केंद्रातील केमिकलमिश्रित राख? नागरिकांच्या जीवाशी खेळ..

पालघर प्रतिनिधी - जितेंद्र पाटील: मुंबई अहमदाबाद महामार्गाच्या बाजूने असलेल्या कासा-भराड सूर्या कालव्यामध्ये कल्लू ढाबा येथून वाहणाऱ्या कालव्यामध्ये औष्णिक विद्युत… Read More

8 months ago