Categories: सामाजिक

तौक्ते चक्रीवादळामुळे झालेल्या नुकसानीच्या पंचनाम्यांचे काम सुरु

Mumbai E News Network : चक्रीवादळाचा राज्यावर जाणवणारा परिणाम आता कमी झाला आहे. चक्रीवादळाच्या प्रभावामुळे राज्यात नऊ जणांचा मृत्यू झाला असून २१ पेक्षा जास्त जण जखमी झाले आहेत. किनारपट्टीवरच्या वीजयंत्रणेची वादळामुळे प्रचंड हानी झाली असून महावितरणचे कर्मचारी दुरुस्तीची कामे अविश्रांत करीत आहेत, अशी माहिती ऊर्जामंत्री डॉ. नितीन राऊत यांनी दिली.

रुग्णालयांसह ऑक्सिजन प्रकल्प, विलगीकरण कक्ष, लसीकरण केंद्रे, पाणीपुरवठा, आदींचा वीजपुरवठा सुरळीत करण्यासाठी प्राधान्याने दुरुस्तीकामे हाती घेतली आहेत, असे त्यांनी सांगितले. चक्रीवादळामुळे सिंधुदुर्ग जिल्ह्यात सुमारे ५ कोटी ७७ लाख रुपयांचे नुकसान झालं असल्याची प्राथमिक माहिती आहे. देवगड इथल्या बोट दुर्घटनेत तिघे जण बचावले असून दोघांचा मृत्यू झाला. अद्याप दोन जण बेपत्ता आहेत.

रत्नागिरी  जिल्ह्यात पंचनाम्याचे काम सुरू झालं आहे. जिल्ह्यात एकूण १ हजार १८९ मिमी पावसाची नोंद झाली. जिल्ह्यात १ हजार २८ घरांचे नुकसान झाल्याची प्राथमिक माहिती आहे.  रायगड जिल्ह्यात ५ हजार २५३ घरांचे नुकसान झाल्याची प्राथमिक माहिती आहे. झाड आणि भिंत कोसळून झालेल्या दुर्घटनांमध्ये जिल्ह्यात चार जणांचा मृत्यू झाला असून ६ जण जखमी झाले आहेत, अशी माहिती जिल्हाधिकारी निधी चौधरी यांनी दिली. चक्रीवादळामुळे ठाणे जिल्ह्यात तीन जणांचा मृत्यू झाला असून ५  जण जखमी झाले आहेत. चक्रीवादळामुळे बाँम्बे हाय परिसरात बार्जवर अडकलेल्या  १७७ जणांची सुटका करण्यात बचाव पथकांना यश मिळालं.

मुंबईत ५६ ठिकाणी पाणी तुंबण्याच्या घटना घडल्या. ४६ ठिकाणी घरांचा भाग कोसळून झालेल्या दुर्घटनांमध्ये ९ जण जखमी झाले. २ हजार ३६४ ठिकाणी झाडं किंवा फांद्या पडण्याच्या घटना घडल्या. मढ आणि माहीम इथे बोटी फुटून दोन जण बेपत्ता झाले. यावेळी १० जणांना सुखरूप बाहेर काढण्यात आलं. वांद्रे कुर्ला संकुलातलं जम्बो कोविड केंद्र सुखरूप असल्याचं बृहन्मुंबई महानगरपालिकेच्या आपत्ती व्यवस्थापन विभागाने कळवले आहे.

चक्रीवादळाने झालेल्या नुकसानाची पाहणी करण्यासाठी  केंद्रीय पथक राज्यात पाठवावे, यासाठी केंद्र शासनाला पत्र लिहिल्याचे आपत्ती व्यवस्थापन मंत्री विजय वडेट्टीवार यांनी सांगितले. चक्रीवादळामुळे उद्ध्वस्त झालेल्या कोकणातल्या शेतकऱ्याला बांधावर जाऊन तातडीने मदत करावी अशी मागणी भाजपा प्रदेश उपाध्यक्ष माधव भांडारी यांनी राज्य सरकारकडे केली आहे.

Mumbai e News

Email - mumbaienews@gmail.com Contact - 9890086328

Share
Published by

Recent Posts

जाणून घ्या कोरफडीचे आरोग्यवर्धक फायदे; रस व तेल करते चमत्कार..!

मुंबई ई न्यूज वेब टीम: वाचकहो आम्ही आपल्यासाठी बातम्यांसोबतच इतर महत्वपूर्ण दर्जेदार माहिती घेऊन येत असतो. 'आजीबाईचा बटवा' (aajibaicha batava)… Read More

3 weeks ago

पालघर: पेसा निधीत भ्रष्टाचार करणाऱ्या ‘त्या’ ग्रामविकास अधिकाऱ्यावर कारवाईसाठी मुहूर्त सापडेना?

डहाणू प्रतिनिधी - विनायक पवार: डहाणू तालुक्यातील ग्रुप ग्रामपंचायत वेती/वरोती ग्रामविकास अधिकारी प्रमोद भोईर यांनी पेसाच्या निधीत भ्रष्टाचार केल्याची तक्रार… Read More

7 months ago

पालघर: मुदतबाह्य सॅनिटायजर वाटप प्रकरणी ‘त्या’ ग्रामसेवकास कारवाईचा झटका

जव्हार प्रतिनिधी - जितेंद्र पाटील: जव्हार तालुक्यातील ग्रामपंचायत न्याहाळे खु. येथे मुदतबाह्य सॅनिटायजर वाटपाबाबत प्रसिद्धीमाध्यमांमध्ये प्रसारित झालेल्या बातमीच्या अनुषंगाने गट… Read More

8 months ago

पालघर : गंजाड मणिपूर येथील खदानीच्या तलावात बुडून शालेय विद्यार्थ्याचा मृत्यू

डहाणू प्रतिनिधी : जितेंद्र पाटील - डहाणू तालुक्यात एका विद्यार्थ्यांचा गंजाड मणिपूर येथील खदानी मध्ये पोहायला गेला असता बुडून मृत्यू झाल्याची… Read More

8 months ago

पालघर: दि ठाणे जिल्हा मध्यवर्ती बँकेच्या ‘त्या’ तीन अपत्य असणाऱ्या संचालकाचे पद धोक्यात?

तलासरी प्रतिनिधी - जितेंद्र पाटील: दि ठाणे जिल्हा मध्यवर्ती बँकेच्या संचालक मंडळाच्या मार्च महिन्यात पार पडलेल्या निवडणुकीत कृषी पतपुरवठा मतदार… Read More

8 months ago

पालघर: धक्कादायक! पाण्याच्या कालव्यामध्ये औष्णिक विद्युत केंद्रातील केमिकलमिश्रित राख? नागरिकांच्या जीवाशी खेळ..

पालघर प्रतिनिधी - जितेंद्र पाटील: मुंबई अहमदाबाद महामार्गाच्या बाजूने असलेल्या कासा-भराड सूर्या कालव्यामध्ये कल्लू ढाबा येथून वाहणाऱ्या कालव्यामध्ये औष्णिक विद्युत… Read More

8 months ago