Categories: Uncategorized

मुंबईप्रमाणे लस खरेदीसाठी जागतिक निविदा काढणे अशक्य: ठाणे महापालिका आयुक्त

मुंबई ई न्यूज नेटवर्क | लस तुटवडा लक्षात घेऊन मुंबई महापालिकेने लस खरेदीसाठी जागतिक निविदा मागविण्याची तयारी सुरू केली असली तरी मुंबईस लागूनच असलेली आणि महानगर क्षेत्रातील एक महत्त्वाची महापालिका म्हणून ओळखल्या जाणाऱ्या ठाणे महापालिकेसाठी अशी लस निविदा हे दिवास्वप्नच ठरेल अशी स्थिती आहे. करोना संकटामुळे उत्पन्नवसुलीवर झालेला परिणाम आणि त्यातच राज्य शासनाकडून येणाऱ्या वस्तू आणि सेवा कराच्या अनुदानावर पालिका कर्मचाऱ्यांचे पगार भागविले जात आहे. यामुळे ठाणे महापालिकेला लस खरेदी करण्यासाठी आवश्यक असणारा आर्थिक भार उचलणे शक्य नाही, अशी माहिती महापालिका आयुक्त डॉ. विपीन शर्मा यांनी दिली.

ठाणे महापालिका क्षेत्रात एकूण ४७ लसीकरण केंद्र आहेत. लस तुवडय़ामुळे यापैकी अनेक केंद्रे बंद आहेत. मुंबई महापालिकेने लशीचा तुटवडा लक्षात घेऊन लस खरेदीसाठी जागतिक निविदा मागविण्याची तयारी सुरू केली आहे. मुंबईकरांचे जलदगतीने लसीकरण व्हावे यासाठी पालिकेने हे पाऊल उचलले आहे. जॉन्सन अ‍ॅण्ड जॉन्सन, स्पुटनिक, फायझर आणि मॉर्डना या कंपन्यांच्या करोना प्रतिबंधक लशींना मान्यता मिळाली असून यापैकी कोणती कंपनी मुंबईकरांसाठी लस उपलब्ध करेल, हे जागतिक निविदा प्रक्रिया पूर्ण झाल्यानंतरच स्पष्ट होणार आहे. प्राणवायूच्या बाबतीत स्वयंपूर्ण होण्यासाठी ठोस पावले उचलणारी ठाणे महापालिका मुंबईप्रमाणेच लस खरेदीसाठी जागतिक निविदा काढेल, अशी शक्यता वर्तविली जात होती. प्रत्यक्षात मात्र आर्थिक परिस्थिती नाजूक असल्यामुळे ठाणे महापालिकेला अशी निविदा काढणे शक्य नसल्याचे समोर आले आहे.

करोनाकाळात महापालिकेच्या उत्पन्नावर मोठा परिणाम झाला असून यामुळे महापालिकेने यंदाचा अर्थसंकल्प ९०० कोटी रुपयांनी कमी केला आहे. काही ठेकेदारांची देयके पालिकेने दिलेली नाहीत. तसेच राज्य शासनाकडून येणाऱ्या वस्तू आणि सेवा कराच्या अनुदानातून पालिका अधिकारी आणि कर्मचाऱ्यांचे पगार दिले जात आहेत. त्यामुळे अधिकारी कर्मचाऱ्यांचे पगार मिळण्यास गेल्या काही दिवसांपासून विलंब होत आहे. अशी परिस्थिती असल्यामुळे पालिकेला लस खरेदीच्या खर्चाचा भार उचलणे शक्य नाही, अशी माहिती पालिका सूत्रांनी दिली.

करोनाकाळात महापालिकेच्या उत्पन्नवसुलीवर मोठा परिणाम झाला असून यामुळे महापालिकेची अर्थिक परिस्थिती नाजूक आहे. त्यामुळे मुंबईप्रमाणे लस खरेदीसाठी जागतिक निविदा काढणे शक्य नाही. ठाणे महापालिकेला ६० लाख लशींच्या मात्रा प्राप्त झाल्या तर १५ दिवसांत लसीकरण मोहीम फत्ते करणे शक्य होईल.

डॉ. विपीन शर्मा, आयुक्त, ठाणे महापालिका

Mumbai e News

Email - mumbaienews@gmail.com Contact - 9890086328

Share
Published by

Recent Posts

पालघर: पेसा निधीत भ्रष्टाचार करणाऱ्या ‘त्या’ ग्रामविकास अधिकाऱ्यावर कारवाईसाठी मुहूर्त सापडेना?

डहाणू प्रतिनिधी - विनायक पवार: डहाणू तालुक्यातील ग्रुप ग्रामपंचायत वेती/वरोती ग्रामविकास अधिकारी प्रमोद भोईर यांनी पेसाच्या निधीत भ्रष्टाचार केल्याची तक्रार… Read More

6 months ago

पालघर: मुदतबाह्य सॅनिटायजर वाटप प्रकरणी ‘त्या’ ग्रामसेवकास कारवाईचा झटका

जव्हार प्रतिनिधी - जितेंद्र पाटील: जव्हार तालुक्यातील ग्रामपंचायत न्याहाळे खु. येथे मुदतबाह्य सॅनिटायजर वाटपाबाबत प्रसिद्धीमाध्यमांमध्ये प्रसारित झालेल्या बातमीच्या अनुषंगाने गट… Read More

6 months ago

पालघर : गंजाड मणिपूर येथील खदानीच्या तलावात बुडून शालेय विद्यार्थ्याचा मृत्यू

डहाणू प्रतिनिधी : जितेंद्र पाटील - डहाणू तालुक्यात एका विद्यार्थ्यांचा गंजाड मणिपूर येथील खदानी मध्ये पोहायला गेला असता बुडून मृत्यू झाल्याची… Read More

6 months ago

पालघर: दि ठाणे जिल्हा मध्यवर्ती बँकेच्या ‘त्या’ तीन अपत्य असणाऱ्या संचालकाचे पद धोक्यात?

तलासरी प्रतिनिधी - जितेंद्र पाटील: दि ठाणे जिल्हा मध्यवर्ती बँकेच्या संचालक मंडळाच्या मार्च महिन्यात पार पडलेल्या निवडणुकीत कृषी पतपुरवठा मतदार… Read More

6 months ago

पालघर: धक्कादायक! पाण्याच्या कालव्यामध्ये औष्णिक विद्युत केंद्रातील केमिकलमिश्रित राख? नागरिकांच्या जीवाशी खेळ..

पालघर प्रतिनिधी - जितेंद्र पाटील: मुंबई अहमदाबाद महामार्गाच्या बाजूने असलेल्या कासा-भराड सूर्या कालव्यामध्ये कल्लू ढाबा येथून वाहणाऱ्या कालव्यामध्ये औष्णिक विद्युत… Read More

6 months ago

पालघर: …हे म्हणजे ‘त्या’ नर्सिंग होमला पाठीशी घालण्याचा खटाटोप नव्हे का?

डहाणू प्रतिनिधी - विनायक पवार: डहाणू तालुक्यात बापट्स नर्सिंग होम फॉर चिल्ड्रन या खाजगी रुग्णालयाने अवाजवी बिल आकारले असल्याबाबतची बातमी… Read More

6 months ago