मुंबई : ‘सामना’च्या संपादक रश्मी ठाकरे यांचे वडील व मुख्यमंत्री उद्धव ठाकरे यांचे सासरे माधव पाटणकर यांचे नुकतेच निधन झाले आहे. निधनसमयी त्यांचे वय ७८ वर्षे होते. मिळालेल्या माहितीनुसार माधव पाटणकर यांच्यावर अंधेरी येथील क्रिटीकेअर हॉस्पिटलमध्ये उपचार सुरू होते. अल्पशा आजाराने उपचारादरम्यान त्यांचा मृत्यू झाला आहे.
माधव पाटणकर हे एक व्यावसायिक होते. रश्मी ठाकरे यांचे माहेर डोंबिवली येथील आहे. दरम्यान खासदार सुप्रिया सुळे यांनी या दु:खद बातमीला दुजोरा दिला आहे. आज ट्वीटर वरुन त्यांनी माधव पाटणकर यांना श्रद्धांजली अर्पण केली आहे.
महाराष्ट्राचे मुख्यमंत्री उद्धवजी ठाकरे यांचे सासरे व रश्मी ठाकरे यांचे वडील माधव पाटणकर यांचे निधन झाले.त्यांच्या निधनामुळे पाटणकर व ठाकरे कुटुंबियांवर कोसळलेल्या दुःखात आम्ही सर्वजण सहभागी आहोत.भावपूर्ण श्रद्धांजली. @OfficeofUT
— Supriya Sule (@supriya_sule) June 15, 2020