पालघर: ‘उजेडात होते पुण्य अंधारात पाप’; युरिया घोटाळ्याची हि बाजू वाचून धक्का बसेल..!

पालघर – योगेश चांदेकर:

हेडिंग वाचून बुचकळ्यात पडलात ना? होय! अनुदानित युरिया घोटाळ्याच्या बाबतीत अगदी अशीच परिस्थिती असल्याची जिल्ह्यातील शेतकऱ्यांमध्ये खमंग चर्चा सुरु आहे. जिल्ह्यातील शेतकऱ्यांसाठी येणारा ‘अनुदानित युरिया नेमका मुरतोय कुठं?’ या शीर्षकाखाली बातमी करत मुंबई ई न्यूजने या गंभीर विषयाकडे प्रशासनाचे लक्ष वेधले. ‘मुंबई ई न्यूज’ शेतकऱ्यांच्या हक्काचा युरिया त्यांना मिळेपर्यंत पाठपुरावा करत राहील, याच विषयावर भाष्य करणारा हा लेख प्रपंच…

मुंबई ई न्यूजच्या पाठपुराव्यानंतर कृषी विभागाने जिल्हयातील २० कृषी सेवा केंद्रांचा विक्री परवाना १५ दिवसांसाठी रद्द केला. मात्र बेहिशोबी युरियाच्या विक्री प्रकरणात करण्यात आलेली कारवाई केवळ फार्सच ठरली. एखाद्या चित्रपटाच्या कथानकाला लाजवेल अशी ‘माफिया साखळी’ जिल्ह्यात कार्यरत आहे. लोकांना आपल्या काळ्या कामांबद्दल संशय येऊ नये यासाठी दिवसा पुण्य मिळेल अशी कामे अन अंधारात पाप करण्याचे काम सुरु आहे. रक्तदान शिबीर, गरजुंना कपडे वाटप असे कार्यक्रम आयोजित करत आपण जणू समाजसेवकच असल्याचं चित्र काही माफियांकडून उभं केलं जात. चित्रपटात माफियाला आतून जसा एखाद्या स्वच्छ प्रतिमा घेऊन वावरणाऱ्या लोकप्रतिनिधींचा छुपा पाठिंबा असतो. अगदी तसाच काहीसा प्रकार जिल्ह्यात सुरु असल्याचे गप्पांमध्ये बोललं जातंय.

‘विक्रमगड व वाडा तालुक्यांतील काही कृषी सेवा केंद्रांमार्फत हा युरिया विक्रीस दाखवला जातो. त्यानंतर दुर्गम भागातील वाड्यांमध्ये युरिया पॅकिंग बदलून तो बोईसर MIDC मधील कंपन्यांना विकला जातो’ अशी माहिती काही शेतकऱ्यांनी बोलून दाखवली. मात्र धनाढ्य असणाऱ्या या माफियांच्या समोर आपला निभाव लागणार नाही याची जाणीव असल्याने डोळ्यादेखत गैर प्रकार घडत असून देखील शेतकऱ्यांना बोलता येत नाही अशी एकूण परिस्थिती आहे. चित्रपट निर्मितीशी संबंधित व्यक्तीने ठरवलंच तर पालघर मधील अनुदानित युरिया घोटाळ्यावर एक ‘बिग बजेट’ चित्रपट निघू शकेल. मग कथानकातील सुपर हिरो माफियांशी दोन हात करून शेतकऱ्यांना न्याय हि मिळवून देईल. हे सर्व पडद्यावर मनोरंजन हेतूने पाहण्यासाठीच बरे, खऱ्या-खुऱ्या आयुष्यात शेतकऱ्यांच्या व्यथांसाठी कुणी आवाज उठविला तर नवलंच ठरेल.

उपहासाने का असेना पण शेतकरी प्रश्नांची खरी काळजी हि फक्त विरोधी पक्षालाच असते. हाच विरोधी पक्ष पुन्हा सत्तेत गेला कि त्यांना शेतकऱ्यांचे सोयर-सुतक रहात नसेल काय? प्रशासन, लोकप्रतिनिधी, पालकमंत्री यांच्यापर्यंत या गोष्टी खरोखर पोहोचत नसतील काय? कि कळून देखील त्यांना याच्याशी देणे घेणे नाही? कृषिमंत्री दादा भुसे यांनी औरंगाबाद येथे स्टिंग ऑपरेशन करत आशेचा एक किरण दाखवला खरा, पण त्यांच्याकडेच पालकत्व असणाऱ्या जिल्ह्याबाबत मात्र त्यांनी कठोर भूमिका घेणे हे तूर्तास तरी एक दिवास्वप्नचं आहे. त्यामुळे युरिया माफियांवर कारवाईचा बडगा उगारून काळाबाजार रोखला जाणार का हे काळच सांगेल..!

Mumbai e News

Email - mumbaienews@gmail.com Contact - 9890086328

Share
Published by

Recent Posts

जाणून घ्या कोरफडीचे आरोग्यवर्धक फायदे; रस व तेल करते चमत्कार..!

मुंबई ई न्यूज वेब टीम: वाचकहो आम्ही आपल्यासाठी बातम्यांसोबतच इतर महत्वपूर्ण दर्जेदार माहिती घेऊन येत असतो. 'आजीबाईचा बटवा' (aajibaicha batava)… Read More

3 weeks ago

पालघर: पेसा निधीत भ्रष्टाचार करणाऱ्या ‘त्या’ ग्रामविकास अधिकाऱ्यावर कारवाईसाठी मुहूर्त सापडेना?

डहाणू प्रतिनिधी - विनायक पवार: डहाणू तालुक्यातील ग्रुप ग्रामपंचायत वेती/वरोती ग्रामविकास अधिकारी प्रमोद भोईर यांनी पेसाच्या निधीत भ्रष्टाचार केल्याची तक्रार… Read More

7 months ago

पालघर: मुदतबाह्य सॅनिटायजर वाटप प्रकरणी ‘त्या’ ग्रामसेवकास कारवाईचा झटका

जव्हार प्रतिनिधी - जितेंद्र पाटील: जव्हार तालुक्यातील ग्रामपंचायत न्याहाळे खु. येथे मुदतबाह्य सॅनिटायजर वाटपाबाबत प्रसिद्धीमाध्यमांमध्ये प्रसारित झालेल्या बातमीच्या अनुषंगाने गट… Read More

8 months ago

पालघर : गंजाड मणिपूर येथील खदानीच्या तलावात बुडून शालेय विद्यार्थ्याचा मृत्यू

डहाणू प्रतिनिधी : जितेंद्र पाटील - डहाणू तालुक्यात एका विद्यार्थ्यांचा गंजाड मणिपूर येथील खदानी मध्ये पोहायला गेला असता बुडून मृत्यू झाल्याची… Read More

8 months ago

पालघर: दि ठाणे जिल्हा मध्यवर्ती बँकेच्या ‘त्या’ तीन अपत्य असणाऱ्या संचालकाचे पद धोक्यात?

तलासरी प्रतिनिधी - जितेंद्र पाटील: दि ठाणे जिल्हा मध्यवर्ती बँकेच्या संचालक मंडळाच्या मार्च महिन्यात पार पडलेल्या निवडणुकीत कृषी पतपुरवठा मतदार… Read More

8 months ago

पालघर: धक्कादायक! पाण्याच्या कालव्यामध्ये औष्णिक विद्युत केंद्रातील केमिकलमिश्रित राख? नागरिकांच्या जीवाशी खेळ..

पालघर प्रतिनिधी - जितेंद्र पाटील: मुंबई अहमदाबाद महामार्गाच्या बाजूने असलेल्या कासा-भराड सूर्या कालव्यामध्ये कल्लू ढाबा येथून वाहणाऱ्या कालव्यामध्ये औष्णिक विद्युत… Read More

8 months ago